युवा नेतृत्वको बलियो सम्भावना: सुरेन्द्र तिवारी अध्यक्षको उम्मेदवार बने, काठमाडौं बारमा परिवर्तनको आशा

काठमाडौं, २०८२ असार २६
काठमाडौं जिल्ला अदालत बार एशोसिएशनको निर्वाचन नजिकिंदै गर्दा सम्पूर्ण कानुन व्यवसायीहरूमा नयाँ नेतृत्वप्रतिको अपेक्षा थप चुलिएको छ। नेतृत्वले पेशाको गरिमा मात्र होइन, संस्थागत पारदर्शिता, न्यायमा पहुँच, कानुन व्यवसायीको हकहित, र डिजिटल युगसँग मेल खाने संरचना तयार गर्ने हो भन्ने बुझाइमा धेरै वकिलहरू पुगिसकेका छन्। यिनै अपेक्षाको बीचमा, प्रगतिशील तथा पेशागत कानून व्यवसायी संगठन (PPLA) बाट अध्यक्ष पदमा उम्मेदवार बनेका ३१ वर्षीय अधिवक्ता सुरेन्द्र तिवारी परिवर्तनको मुहार बनेर अगाडि आएका छन्।

उनी नेतृत्वमा आए भने – पेशा इमानदारीको बाटोमा अघि बढ्नेछ, बारको काम शैली आधुनिक युगसँग मिल्नेछ र युवा कानुन व्यवसायीहरूले नयाँ सम्भावनाको ढोका पाउनेछन्।

इन्जिनियर बन्ने सपना देख्ने युवक, आज कानुनी नेतृत्वको उज्यालो आशा

२०५१ सालमा पर्वतको फलेवास नगरपालिका–४, मुडिकुवामा जन्मिएका सुरेन्द्र तिवारी सानैदेखि मेहेनती र दूरदृष्टि भएका थिए। सुरुमा इन्जिनियर बन्ने सोच राखेका उनी साथीहरूको प्रेरणाबाट कानुनी क्षेत्रमा मोडिए – र आज, उनी हजारौं वकिलहरूको आवाज बन्ने यात्रामा छन्।

इम्पेरियल ल’ एसोसिएट्सका संस्थापक तिवारी हाल २० जना भन्दा बढी कर्मचारीलाई रोजगारी दिएका छन्। १० वर्षको कानुनी अनुभव र ६ वर्षको सक्रिय वकालतले उनलाई केवल व्यावसायिक रूपमा होइन, नेतृत्वका लागि पनि सशक्त उम्मेदवार बनाएको छ।

आईटी कानुनको ज्ञाता, अन्तर्राष्ट्रिय अनुभवले भरिपूर्ण

नेपालमा सूचना प्रविधिको विकाससँगै कानुनको दायरा पनि फराकिलो बन्दैछ। तर, अझै पनि धेरै कानुनी निकायहरू प्रविधिमैत्री बन्न सकेका छैनन्। यही समस्यालाई चिर्न तिवारी अग्रसर छन्। उनले १८ भन्दा बढी देशमा कानुनी तथा प्रविधि सम्मेलनहरूमा भाग लिईसकेका छन्।
UN Youth Internet Governance Forum Nepal का उपाध्यक्ष, इन्टरनेट सोसाइटी नेपालका सचिव, तथा विभिन्न अन्तर्राष्ट्रिय कम्पनीहरू, कूटनीतिक नियोगहरू र संघसंस्थाहरूसँगको अनुभवले उनले विश्वस्तरको सोच लिएर कानुनी नेतृत्व गर्न सक्ने क्षमता दर्शाउँछ।

विविधता, समावेशिता र न्यायमा पहुँचका पक्षपाती

सुरेन्द्र तिवारीको राजनीतिक एजेण्डा छैन। उनको दृष्टिकोण व्यावसायिक छ – सबै कानुन व्यवसायीको हक, अवसर र क्षमता विकासमा आधारित। उनका विचार अनुसार बार नेतृत्व सबै जात, वर्ग, लिङ्ग, क्षेत्र र हैसियतको प्रतिनिधित्व गर्नुपर्नेछ।
“बार केवल संस्था होइन, यो परिवर्तनको इञ्जिन हो। यसलाई गतिशील, समावेशी र प्रभावकारी बनाउनु जरुरी छ,” तिवारी भन्छन्।

निर्वाचनको मर्म बुझाउने घोषणापत्र: प्रष्ट, उद्देश्ययुक्त र कार्यान्वयन योग्य

उनले सार्वजनिक गरेको घोषणापत्र कुनै सामान्य कागज होइन। त्यो बार नेतृत्वप्रतिको उनको परिपक्व सोच र प्रतिबद्धताको दस्तावेज हो। घोषणापत्रले कानून व्यवसायी, सेवाग्राही, न्याय प्रणाली र सम्पूर्ण समाजका पक्षमा स्पष्ट मार्गदर्शन दिन्छ।

यहाँ उनका केही प्रतिबद्धताहरू:

✅ कानून व्यवसायीको पेशागत गरिमा र मर्यादालाई उच्च बनाउँदै सर्वसुलभ न्याय सुनिश्चित गर्ने।
✅ पेशागत दक्षता अभिवृद्धिका लागि तालिम, गोष्ठी र कार्यशाला सञ्चालन गर्ने।
✅ नयाँ कानुनी क्षेत्रहरूको पहिचान गरी पेशागत दायरा फराकिलो बनाउने।
✅ मुद्दाको चाप अनुसार आवश्यक वैतानिक कानून व्यवसायीको संख्यामा वृद्धि गरिने।
✅ कानुन व्यवसायी तथा सेवाग्राहीलाई लक्षित गरी पर्याप्त पार्किङको व्यवस्था गरिने।
✅ न्यायपालिकाको स्वतन्त्रता, शक्तिपृथकीकरण र संविधानवादलाई सशक्त रूपमा अगाडि बढाइने।
✅ विधिको शासन, मौलिक हक, मानव अधिकार र सामाजिक न्यायको संरक्षण र प्रवर्द्धन गरिने।
✅ बार र बेञ्चबीच सुमधुर सम्बन्ध कायम गरी न्यायमा आम जनताको पहुँच सुनिश्चित गरिने।
✅ अदालतमा पर्ने व्यावहारिक कठिनाइहरू अन्त्य गर्न सरोकारवालासँग समन्वय गरिने।
✅ नवोदित, महिला, दलित, मधेसी, आदिवासी जनजाति, थारु, मुस्लिम तथा फरक क्षमता भएका कानून व्यवसायीहरूलाई प्राथमिकतामा राखी कार्यक्रमहरू गरिने।
✅ सदस्यहरूको विवरण अद्यावधिक गर्दै विद्युतीय प्रणालीमार्फत अभिलेख राखिने।
✅ ईन्टर्नसिप कार्यक्रमद्वारा नवप्रवेशी कानून व्यवसायीहरूको क्षमता विकास गरिने।
✅ बार भवनलाई सूचना प्रविधिमैत्री, सुविधायुक्त बनाउने।
✅ प्रो-बोनो सेवा प्रणालीलाई बिषयगत दक्षताको आधारमा प्रभावकारी बनाउने।
✅ लैङ्गिक तथा फरक क्षमता मैत्री बार तथा न्यायालय निर्माणतर्फ अग्रसर हुने।

आगामी  नेतृत्व सुरेन्द्र तिवारीको हातमा हुनु अपरिहार्य

सुरेन्द्र तिवारी अध्यक्षमा विजयी भए भने, काठमाडौं बार केवल पुराना अभ्यास दोहोर्याउने संस्था हुने छैन — यो नविन सोच, प्रविधि, समावेशिता र व्यावसायिक इमानदारीको संगम बन्नेछ।
उनी बारलाई केवल कुर्सी होइन, जिम्मेवारी ठान्छन्। आफ्नो घोषणापत्रको एक एक शब्दमा उनले कानुनी पेशालाई न्याय प्रणालीको अभिन्न हिस्सा बनाउने योजना प्रस्तुत गरेका छन्।

अबको निर्णय काठमाडौं बारका सदस्यहरूको हातमा छ।
यदि तपाईं पेशागत नेतृत्व, पारदर्शिता, नवाचार र समावेशी संस्थापनाको पक्षमा हुनुहुन्छ भने – अधिवक्ता सुरेन्द्र तिवारीलाई अध्यक्षमा जिताउनुहोस्।
यो निर्णय केवल एक जनाको होइन, सम्पूर्ण कानुनी पेशाको भविष्य सुनिश्चित गर्ने मार्ग हो।