होटल SNG ले पाँचौँ वार्षिकोत्सव मनायो, गुणस्तरीय सेवामा निरन्तर प्रतिबद्धता
Advertisement 1
काठमाडौँ । होटल एसएनजीले आफ्नो स्थापनाको पाँच वर्ष पूरा गरेको अवसरमा विशेष कार्यक्रम आयोजना गरी पाँचौँ वार्षिकोत्सव मनाएको छ। कार्यक्रममा होटलका व्यवस्थापन, कर्मचारी तथा शुभेच्छुकहरूको सहभागिता रहेको थियो।
वार्षिकोत्सव कार्यक्रममा होटलका प्रबन्ध निर्देशक नारायण गिरी र गीता गिरीको उपस्थितिमा होटलका कर्मचारीहरूलाई सम्मान गरिएको थियो। कार्यक्रममा विगत पाँच वर्षमा होटलले हासिल गरेको उपलब्धि, सेवाको गुणस्तर तथा आतिथ्य क्षेत्रको अनुभवबारे चर्चा गरिएको थियो।
कार्यक्रमलाई सम्बोधन गर्दै होटल एसएनजीका प्रबन्ध निर्देशक नारायण गिरीले होटलको सफलताको मुख्य आधार मेहनती टिम, गुणस्तरीय सेवा र ग्राहकप्रतिको विश्वास रहेको बताए। उनले भने, “हामीले सुरुदेखि नै ग्राहकलाई उत्कृष्ट सेवा दिने लक्ष्य राखेका थियौँ। आज पाँच वर्ष पूरा गर्दा त्यो यात्रामा साथ दिने सम्पूर्ण कर्मचारी र ग्राहकप्रति आभारी छौँ। आगामी दिनमा अझ आधुनिक सुविधा, गुणस्तरीय सेवा र उत्कृष्ट आतिथ्यतासहित अघि बढ्ने हाम्रो प्रतिबद्धता छ।”
होटल एसएनजीले आरामदायी आवास, स्वादिष्ट परिकार, पारिवारिक वातावरण तथा अतिथिलाई सहज र गुणस्तरीय सेवा प्रदान गर्दै आएको व्यवस्थापनले जनाएको छ। होटलले पछिल्ला वर्षहरूमा सेवा विस्तार गर्दै ग्राहक सन्तुष्टिलाई प्राथमिकतामा राखेको बताइएको छ।
Advertisement 2
कार्यक्रममा होटलका कर्मचारीहरूले पाँच वर्षको यात्रामा टिमवर्क, समर्पण र सहकार्य नै सफलताको आधार रहेको उल्लेख गरेका थिए। व्यवस्थापनले पनि आगामी दिनमा कर्मचारी र ग्राहकसँगको विश्वासलाई अझ मजबुत बनाउँदै आतिथ्य क्षेत्रमै नयाँ उचाइ हासिल गर्ने लक्ष्य राखेको जनाएको छ।
होटल एसएनजीले विगत पाँच वर्षदेखि अतिथिलाई उत्कृष्ट सेवा प्रदान गर्दै आतिथ्य क्षेत्रमै आफ्नो छुट्टै पहिचान बनाउन सफल भएको बताइएको छ।
प्रतिक्रिया दिनुहोस्