डा. सरदहरि गजुरेललाई स्वास्थ्य मन्त्री बनाउन माग

काठमाडौँ । अनुभवी चिकित्सक तथा स्वास्थ्य प्रशासक डा. सरदहरि गजुरेललाई स्वास्थ्य मन्त्री बनाउनुपर्ने माग तीव्र बनेको छ। नागरिक समाजदेखि स्वास्थ्यकर्मी सम्मको धारणा छ– उहाँको दीर्घ अनुभव, प्राविधिक दक्षता र जनविश्वासका आधारमा गजुरेलले नेतृत्व गर्नुपर्ने आवश्यकता छ।

डा. गजुरेलले अस्पताल प्रशासन, स्वास्थ्य व्यवस्थापन र अनुसन्धान क्षेत्रमा महत्वपूर्ण योगदान दिँदै आएका छन्। उहाँको नीति निर्माण र कार्यान्वयन गर्ने क्षमता नै स्वास्थ्य क्षेत्रमा देखिएका कमजोरी समाधान गर्ने उपाय बन्न सक्ने तर्क स्वास्थ्यकर्मीहरूले गरेका छन्।

नेपालमा स्वास्थ्य सेवा कमजोेर व्यवस्थापन, स्रोतको अभाव र नीतिगत अनिश्चितताले प्रभावित हुँदै आएको अवस्थामा अनुभवी व्यक्तित्वको नेतृत्व अपरिहार्य भएको बताइन्छ। स्वास्थ्य सेवाको पहुँच विस्तार, गुणस्तर सुधार र पारदर्शिता कायम गर्न सक्ने क्षमता गजुरेलमा रहेको विश्वास गरिएको छ।

चिकित्सक र प्रशासक दुवै भूमिकामा सक्रिय भएर काम गरेको अनुभवका कारण उहाँप्रति आम नागरिक र स्वास्थ्य क्षेत्रसँग सम्बन्धित निकायबीच विश्वास निर्माण सहज हुने जनाइएको छ।

तर, स्वास्थ्य मन्त्रालयको जिम्मेवारीसँगै राजनीतिक अनुभव, बजेट व्यवस्थापन र नीति निरन्तरताजस्ता चुनौती रहने निश्चित छ। यद्यपि, प्राविधिक दृष्टिकोण, जनसेवाप्रति समर्पण र नेतृत्व क्षमताका आधारमा गजुरेललाई जिम्मेवारी दिनु दीर्घकालीन सुधारको बाटो खोल्ने कदम हुने तर्क सरोकारवालाहरूले गरेका छन्।

हाल डा. सरदहरि गजुरेल अन्नपूर्ण न्युरो अस्पताल, माईतिघरमा उपनिर्देशकका रुपमा लामो समयदेखि कार्यरत छन्।